Morpheus 8

Morpheus 8-ը առաջատար, միկրոասեղային ռադիոհաճախականության (RF) սարքավորում է, որը միավորում է միկրոասեղային թերապիան և ռադիոհաճախականության էներգիան`ապահովելով մաշկի խորքային վերակառուցում և երիտասարդացում: Այս պրոցեդուրան նպատակաուղղված է մաշկի ձգման, կառուցվածքի բարելավման, կնճիռների նվազեցման և ակնեի սպիների վերացման համար:

Ինչպես է գործում Morpheus 8 պրոցեդուրան

Morpheus 8 տեխնոլոգիան աշխատում է մի քանի հիմնական մեխանիզմների միջոցով:

1. Միկրոասեղային թերապիա` մաշկի մակերեսով անցնում են փոքրիկ միկրոասեղներ, որոնք խթանում են մաշկի բնական վերականգնման և վերակառուցման գործընթացը, միաժամանակ ակտիվացնելով կոլագենի և էլաստինի արտադրությունը:
2. Ռադիոհաճախականության էներգիա՝ միկրոասեղների միջոցով ուղարկվող RF էներգիան տաքացնում է մաշկի խոր շերտերը՝ խթանելով մաշկի խորը շերտերի վերակառուցումն ու ձգումը:
3. Միավորված ազդեցություն՝ միկրոասեղային թերապիան և RF էներգիան միասին ապահովում են մաշկի բարելավված կառուցվածք, հարթեցված երանգ և կնճիռների նվազեցում, ինչպես նաև ծակոտիների և ակնեի սպիների տեսանելիության նվազում:

Այս համադրությունը թույլ է տալիս առավելագույն արդյունավետությամբ խթանել մաշկի բնական վերականգնման գործընթացները:

Morpheus 8–ը հատկապես արդյունավետ է հետևյալ խնդիրների լուծման համար:

• Մաշկի ձգում և ամրացում՝ թուլացած և ոչ էլաստիկ մաշկի վերականգնում
• Բարակ գծերի և կնճիռների նվազեցում՝ դեմքի, պարանոցի և դեկոլտեի հատվածներում
• Ակնեի սպիների և հետվիրահատական սպիների նվազեցում՝ խթանում է սպիների վերականգնումը և հարթեցումը
• Մաշկի հարթեցում և կոնտուրավորում՝ դեմքի և մարմնի մաշկի բարելավում, երիտասարդ և առողջ տեսք:
• Մաշկի կառուցվածքի և երանգի բարելավում՝ մաշկը դառնում է ավելի փափուկ, հարթ և փայլող

Պրոցեդուրայի առավելությունները՝

• Անվտանգ և նվազագույն ինվազիվ պրոցեդուրա՝ առանց վիրահատության, ներարկումների կամ երկար վերականգնման շրջանի.
• Տեսանելի և բնական արդյունք՝ հաճախորդները նկատում են փոփոխությունները արդեն մի քանի շաբաթից, իսկ մաշկի խորը շերտերի վերակառուցումը շարունակվում է ամիսների ընթացքում
• Բարձր արդյունավետություն՝ բարելավում է մաշկի առաձգականությունը, հարթեցնում կնճիռները, նվազեցնում սպիների և ակնեի հետքերը

Morpheus 8-ը կատարյալ ընտրություն է նրանց համար, ովքեր ցանկանում են թարմ, ձգված և երիտասարդ մաշկ, երկարատև և բնական արդյունքով՝ առանց վիրահատության, ցավի կամ երկար վերականգնման շրջանի: